أبدأ جولة في تايملاين تويتر اقرأ فيها المفيد واللامفيد، الأخبار، جديد التقنية، مقاطع قطاوة تنط عالكاميرا. شوي أدخل حساب أحمد @KsaBanker واتعمق في تحليلاته المنطقية ورؤيته المستقبلية لين يشطح شطحة تحسسني اني داخل في جدار. مع هذا ارفع له "العقال" له مني كل الاحترام والتقدير =
— Eng. Fahad ☁️☣️???????? (@eFhd) June 30, 2018
بعد وقت ارجع للتايملاين القى رائد الأقشر @iRaedAV جالد له واحد، اقول بسيطة، شوية مسوي ريتويت او لايك ???? تربشني احس اني جايب العيد وانا مالي دخل. يسعدلي جوك واحييك على جرأتك اللي شوي غاير منها ????
=— Eng. Fahad ☁️☣️???????? (@eFhd) June 30, 2018
اكمل الجولة في حساب خالد @khaled القاه مستقعد لهاشتاق او ناشب للمرور لكن بهدف نبيل ونية زين، الرجال ما يحب يسكت عن الغلط واللي في قلبه على لسانه. يجون يحارشونه "خبراء الإعلام الجديد" ما يدرون أن وراه وحوش ياكلون الأخضر واليابس في #teamkhaled. شب عليهم زيادة اكوهم ????
=— Eng. Fahad ☁️☣️???????? (@eFhd) June 30, 2018
بعد ما نخلص طقطقة في فريق خالد اصادف حساب سلطان الموسى @almousa_su الحب من الله، هالانسان من اول ما عرفته عن طريق زميل في الدوام وانا حابه، خلوق خفيف دم ونيس متواضع وفوق هذا كله مثقف. كتاباته في الحضارات ممتعة وتدخلك في عالم الاحلام. سنابه شي ثاني خصوصا اذا طقطق على اخوياه ????
=— Eng. Fahad ☁️☣️???????? (@eFhd) June 30, 2018
احيانا القا ريتويت كذا غريب مخيس ماله اي علاقة باي شي اهتم فيه اشوف المرتوت فنان اجنبي. فاض بي الكيل وقتها وعملت unfollow جماعي لكل الممثلين والمغنين الأجانب. مسوين زحمة في التايملاين على غير سنع. اكرِه.
=— Eng. Fahad ☁️☣️???????? (@eFhd) June 30, 2018
بعد ما خفت الزحمة في التايملاين بدت تطلع التغريدات الجميلة، يمر لايك لمقطع فيديو للفنانة المتألقة @Angham هذي الفنانة طربها الاصيل يجبرك على الابتسام والاستمتاع وعيش لحظة "متيم بالهوى" حتى لو كنت في اسوأ حالاتك النفسية.
— Eng. Fahad ☁️☣️???????? (@eFhd) June 30, 2018
في جولة التايملاين هذي لاحظت اني متابع حسابات كثيرة جدا تتحدث عن اشياء كنت مهتم فيه لفترة لكن فقدت الاهتمام من زمان. او اشخاص كانت كتاباتهم جميلة واصبحو الان سامجين او كثرت دعاياتهم. كلها شيل ودي حوش. تم تنظيف التايملاين اللي من ٢٠٠٩ ما تنظف، الآن بعد حوالي ١٠ سنوات تبدأ المتعة..
— Eng. Fahad ☁️☣️???????? (@eFhd) June 30, 2018